Тадбирда Ўзбекистон Савдо-саноат палатаси раиси А.Икрамов, Ўзбекистоннинг Испаниядаги Фавқулодда ва мухтор элчиси Ж.Ғаниев, Испаниянинг «Кҳеш Инвестмент Партнерс С.Л» компаниясининг ижрочи директори Э.Холмурадов, Испаниянинг «Талго» компанияси вакили ҳамда Испания бошқа бир қатор ишбилармон доира вакиллари иштирок этдилар.
Тадбирни Ўзбекистон Савдо-саноат палатаси раиси А.Икрамов кириш сўзи билан очиб бериб, Ўзбекистон ва Испания ўртасида икки томонлама савдо-иқтисодий ҳамда инвестициявий ҳамкорликни ривожлантириш масалаларининг устуворлиги, бу борада икки давлат савдо-иқтисодий алоқаларни ривожлантиришдан манфаатдор эканликлари ҳамда бу ҳамкорлик айниқса ишбилармонлар орасида ҳамкорлик алоқаларини кенгайтириб боришда муҳим аҳамиятга эга эканлигини таъкидлаб ўтилди.
А.Икрамов Испания ва Ўзбекистон ўртасида савдо-иқтисодий ва инвестицион ҳамкорликни кенгайтириш учун муҳим аҳамиятга эга эканлигини таъкидлаб, Испанияда Ўзбекистон савдо-инвестиция уйининг очилиши савдо-иқтисодий ва инвестициявий алоқаларни янада ривожлантиришга, хусусан миллий маҳсулотларимиз Испания ҳамда Лотин Америкаси давлатларига ҳам экспорт қилиш имкониятига эга бўлиши маълум қилди.
Ўзбекистоннинг Испаниядаги фавқулодда ва мухтор элчиси кейинги йилларда икки томонлама ҳамкорлик жадал ривожланиб бораётганлигини ҳамда Испанияда ўзбек маҳсулотлари учун Ўзбекистон савдо-инвестиция уйининг фаолият юритиши томонлар ўртасида ҳамкорликни янги босқичга олиб чиқишга имконият яратиши тўғрисида тўхталиб ўтди.
Шунингдек, «Кҳеш Инвестмент Партнерс С.Л» компаниясининг ижрочи директори Э.Холмурадов Испания ва Ўзбекистон ўртасида ҳамкорлик алоқаларини ривожлантириш учун мазкур Савдо-инвестиция уйи икки давлат ишбилармон доиралари учун катта имкониятларни ҳамда алоқаларни мустаҳкамлашда янги йўналишларни очиб беришини таъкидлади.
Тадбирда шунингдек, ўзаро ҳамкорлик алоқаларини ривожлантириш, икки давлат тадбиркорлари ўртасида савдо алоқалари йўлга қўйилиши ва кенгайиши учун янги имкониятлар очиши қайд этилди.
Тадбир якунида томонлар ишбилармонлик алоқаларини кенгайтириш бўйича истиқболли таклифлар тўғрисида фикр алмашдилар ва ҳамкорликда ишлаш бўйича келишиб олдилар.
Савдо-саноат палатаси ва «Кҳеш Инвестмент Партнерс С.Л» ўртасида ҳамкорликни йўлга қўйиш истиқболида Ўзбекистоннинг экспорт салоҳиятига катта имкониятлар очиб беради ва испан инвесторларини Ўзбекистонга жалб этишга замин яратади, деб хабар беради ССП матбуот хизмати.
