Аввалроқ ЖССТ 18 ёшдан кичик бўлганларга вакцинанинг ножўя таъсир этиши эҳтимолини ҳисобга олиб, эмлашни тавсия этмаган эди.

Янгиланган кўрсатмаларга кўра, эндиликда “Pfizer” вакцинасини 12-15 ёшли болаларга қўллаш мумкинлиги маълум қилинди.

Эслатиб ўтамиз, АҚШ Озиқ-овқат ва дори-дармон маҳсулотларининг сифати устидан санитария назорати бошқармаси (FDA) тажрибада ихтиёрий тарзда қатнашган 2,2 минг нафар болаларда ҳеч қандай ножўя ҳолат кузатилмаганидан сўнг “Pfizer” вакцинасини қўллашга рухсат берди.