Бу ҳақдаги баёнотни сешанба куни ташкилотнинг Европа минтақавий бюроси директори Ханс Клюге ўзининг Twitterдаги саҳифасида маълум қилди.
“Жаҳон соғлиқни сақлаш ташкилотининг Европадаги минтақавий бюроси тест стратегиясини муҳокама қилиш ва юқиш хавфини камайтириш учун аъзо мамлакатларни чақирмоқда”, деб ёзган у.
Шунингдек, Клюге мутацияланган штаммнинг тарқалиши олдини олиш учун у ҳақда батафсил маълумот берилмагунча турли саёҳатлардан вақтинча воз кечишга чақирди.
Ўтган ҳафта инглиз олимлари юқумлилиги одатдагидан 70 фоиз кўпроқ бўлган COVID-19 янги штаммининг пайдо бўлганини эълон қилишди. Мутахассисларнинг фикрига кўра, вируснинг ушбу варианти танасида инфекция бир неча ой сақланиб қолган иммунитет танқислиги бўлган беморда шаклланган.
Шу билан бирга, ЖССТ янги штаммнинг пандемияга таъсирини баҳолади.
