— Вакциналарни глобал етказиб беришни назорат қиладиган компаниялар ва давлатлар, дунёнинг камбағал мамлакатлари ортиб қолган вакциналар билан кифояланиши керак, деб ҳисобласалар, мен жим турмайман, — деди у. — Паст ва ўрта даромадли давлатларнинг ҳам тиббиёт ходимлари, қариялар ва бошқа хавф гуруҳлари бир хил ҳимоя ҳуқуқига эга.
Аввалроқ Тедрос сентабр ойининг охиригача “мораторий” жорий этишни таклиф қилган эди. Aммо бой давлатлар, шу жумладан, Исроил, Буюк Британия, Дания, Франция, Германия, Испания ва AҚШ ўзининг заиф иммунитет тизимига эга аҳоли гуруҳида икки дозали эмлашнинг учинчи дозасини қўллашни кўриб чиқмоқда.
ЖССТ раҳбари шу ойда ўтказилган J-20 учрашувида соғлиқни сақлаш вазирларидан йил охиригача “ўз аҳолисининг камида 40 фоизини эмлаш мажбуриятини олгани” тўғрисида хабар келганини айтди.
— Бир ой олдин, мен, ҳеч бўлмаганда сентябрь ойининг охиригача бутун дунё бўйлаб, вакцинанинг биринчи дозасини ҳали олмаган, хавф остида бўлган одамларни эмлаш учун кучайтирувчи дозаларга глобал мораторий чақирган эдим. Ўшандан бери глобал вазиятда жуда кам нарса ўзгарди, — деди Тедрос.
Тедроснинг айтишича, бутун дунё бўйлаб жорий қилинган 5,5 миллиард дозалик вакцинанинг тахминан 80 фоизи юқори даромадли мамлакатларга юборилган.
Унинг таъкидлашича, ишлаб чиқарувчилар катта пул тўлашга тайёр бой давлатлар билан икки томонлама битим тузишга устувор аҳамият берганлари учун кам таъминланган давлатлар ўз халқларини ҳимоя қилиш воситаларидан маҳрум бўлишди.
Халқаро фармацевтика ишлаб чиқарувчилари ва уюшмалари федерацияси компаниялар коронавирусга қарши эмлаш дозаларини ойига тахминан 1,5 миллиард миқдорида ишлаб чиқараётганини айтди, шунинг учун вакцинани ушлаб турган бадавлат ҳукуматларнинг “Энди бундай қилишига ҳожат йўқ”лиги таъкидланди.
