Гап 2024 йил апрель ойида содир этилган босқинчиликҳақида кетмоқда. Суд материалларига кўра, судланувчи Кармана тумани Калавот маҳалласидаги хонадонлардан бирига юзига оқ докадан ниқоб тақиб, ошхона пичоғи билан қуролланган ҳолда ғайриқонуний равишда кирган.

У хонадон ётоқхонасида бўлган ёш қизга ҳаёти ва соғлиғи учун хавфли бўлган зўравонлик ишлатган. Жабрланувчи қаршилик кўрсатганидан сўнг унинг қўл ва оёқларини хонада турган чарм тасма билан боғлаган.

Шундан кейин жиноятчи хонадондан олтин буюмлар ва турли тақинчоқларни олиб, воқеа жойидан яширинган. У тезкор-қидирув тадбирлари натижасида бир кун ўтиб қўлга олинган.

Судда маълум бўлишича, мазкур шахс бундан аввал ҳам турли жиноятлар учун жавобгарликка тортилган. У хавфли рецидивист деб топилган.

Суд судланувчини Ўзбекистон Республикаси Жиноят кодекси 164-моддаси 4-қисми «д» бандида назарда тутилган жиноятни содир этганликда айбли деб топди.

Ҳукмга кўра, унга 15 йил муддатга озодликдан маҳрум қилиш жазоси тайинланди.