Шифокор шунингдек, коронавирус билан касалланганда қачон антибиотик қабул қилиш керак, ким уйида даволаниши мумкинлиги ҳақида ҳам тушунтириб берган. Агар тестда мусбат жавоб аниқланса шифокорга мурожаат қилиш керак. Бу касаллик қандай шаклда ўтаётгани ва даволаниш зарур ё зарур эмаслиги ҳақида хулосага келиш имконини беради.
«Агар одамда ҳеч нарса аниқланмаса (беморларнинг 17-20 фоизида аломатлар сезилмайди), унда ҳеч нарса қилишнинг кераги йўқ, фақат 10 кун давомида уйда ўтириб ўзини-ўзи яккалаши керак, холос. Амалиётимизда ҳали аломатсиз беморда кутилмаганда мураккаблик юзага келмаган. Ундай бўлмайди», — деб ишонтиради Качман.
Коронавируснинг енгил шаклида (тахминан 20 фоиз ҳолатларда) антибиотик қабул қилиш керак бўлмайди. Шифокорнинг сўзларига қараганда, коронавирусда антибиотик терапия самарасиз экан. Чунки антибиотиклар бактериал инфекцияга таъсир этади, COVID-19 эса аниқ кўриниб турган вирус касаллиги.
Евгений Качман шуни қўшиб қўйдики, антибиотиклар асосий касалликнинг фақат бактериал мураккаблик ҳолатини даволаш керак бўлади экан.
Беморларнинг тахминан ярми анъанавий аломатли коронавируснинг ўртача оғир шакли билан хасталанади. Масалан, ҳарорат кўтарилади, шиллиқ пардаларнинг яллиғланиши кузатилади, таъм ва ҳид сезмай қолади, ошқозон-ичагида бузилишлар кузатилади. Бундай ҳолларда бемор уйда тиббий кузатувда бўлиши керак ва аломатли терапия қўлланилиши керак.
Беморларнинг 5-7 фоизигина касалликни оғир шаклда ўтказиши мумкин. Унда нафас олиши оғирлашиши, гипокция, ўпканинг 10-15 фоизидан кўпроғи шикастланиши мумкин. Айнан мана шулар шифохонада стационар шаклда даволаниши керак, деб хабар беради Medlinks.ru
