«Вакцина билан эмлаш ишлари Ўзбекистонда Наврўз байрамидан сўнг бошланади. Унгача ЖССТ вакцина безарар экани ҳақидаги хулосаларини тақдим этишлари лозим.
Вакциналар бизга текинга етказиб бериляпти. Биринчи навбатда шифокорлар, беморлар билан мулоқот қилганлар, ўқитувчилар ҳамда МТМ ходимлари коронавирусга қарши эмланади», деди Юсупалиев.
ЮНИCЕФнинг Ўзбекистондаги ваколатхонаси раҳбари Мунир Мамадзаденинг қўшимча қилишича, вакцинани вақтинча тўхтатиб туриш — бу унинг бекор қилинишини англатмайди. Шу пайтга қадар «AstraZeneca/Oxford вакцинасини бирор бир мамлакат бекор қилгани йўқ, шунчаки айрим масалаларга аниқлик киритиш учун пауза қилинган» холос».
