Хабарингиз бор, Европа Чемпионлар лигасининг ярим финалида икки Англия клуби икки Испания жамоасига қарши баҳслашмоқда. Биринчи ўйинда “Реал” “Манчестер Сити”га ютқазди – 4:3. Кеча бўлиб ўтган учрашувда эса “Вильярреал” ҳам мағлубиятга учради. У “Ливерпуль” билан бўлган учрашувда ўз дарвозасидан иккита жавобсиз гол ўтказиб юборди.
Биринчи голни Эступиньян ўз дарвозасига киритган бўлса, иккинчи голни Салоҳнинг узатмасидан кейин Мане киритди.
“Бутун ўйинни босим билан давом эттиришимиз кераклиги билардик. “Вильярреал” босимни енгиб ўтиши биланоқ дарҳол таҳдид қилади. Лекин биз ажойиб ишладик ва жуда яхши ўйин кўрсатдик.
...Ҳозирча ҳаммаси яхши кетмоқда. Энди Вильярреалга учамиз ва финалга чиқишга ҳаракат қиламиз”, деди ўйиндан сўнг “Ливерпуль” бош мураббийи Юрген Клопп.
Жавоб баҳси 3 май куни бўлиб ўтади.
