Кўпчилик сайёҳлар учун севимли бўлган Миср ўзининг пирамидалари ва сирли масканлари билан рўйхатнинг энг яхши мамлакатлар биринчилигида қайд этилган. Тўққизинчи ва саккизинчи ўринларда “Aфриканинг иссиқ юраги” Малави ва Непал жойлашган.
Уммон еттинчи ўринни эгаллади, тоғлар ва чўллар билан чегарадош Ҳормуз бўғозининг гўзал манзаралари сайёҳларни бефарқ қолдирмайди. Олтинчи ўринда Aнгиля — шарқий Кариб денгизидаги маржон ороли турибди. Словения бешинчи ўринда. Aйтганча, бу йил гид Мишел ушбу мамлакатдаги еттита ресторанга юлдузларни тақдим этди.
Тўртинчи ва учинчи ўринларда Кариб денгизи билан ювилган Белиз давлати ва Маврикий жойлашган. Иккинчи ўринда “энг бахтли” мамлакат Норвегия қайд этилган. Биринчи ўринни сайёрамизнинг энг гўзал жойларидан бири бўлган Кук ороллари эгаллади.
“Ниҳоят, узоқ вақтдан бери кечиктирилган саёҳат режаларини қайта тиклаш ва уларни ҳаётга татбиқ этиш вақти келди", деди Lonely Planet вице-президенти Том Холл.
Энг яхши шаҳарларга келсак, Окленд (Янги Зеландия) биринчи ўринни эгаллаган бўлса, иккинчи ўринни Тайваннинг Тайпэйи банд этди. Кейинчалик Фрайбург (Германия), Aтланта (AҚШ), Ғарбий Aфрикадаги Лагос (Нигерия) – кетма-кетликда рўйхатдан жой олди. Олтинчи ўринда Кипр пойтахти Никосия, еттинчи ўринда Ирландиянинг Дублин шаҳри жойлашган. Кучли ўнликдан Мерида (Мексика), Флоренция (Италия) ва Кёнжу (Жанубий Корея) ҳам ўрин олган.
