Маълумки, мигренга чалинган аёллар ва эркакларнинг 60 ёшдан олдин юрак хуружи ёки инсультга дучор бўлиши эҳтимоли кўпроқ. Олдинги тадқиқотлар ёш аёллар ишемик инсультга кўпроқ мойил бўлишини кўрсатганди. Энди мутахассислар мигрень билан оғриган аёлларнинг эркакларга нисбатан юрак хуружи ва геморрагик инсультни бошдан кечириш хавфи қандай эканлигини тушунишга киришишди.
Бунинг учун тадқиқотчилар 1996 йилдан 2018 йилгача 18 ёшдан 60 ёшгача бўлган шахслардан тўпланган тиббий маълумотларини таҳлил қилишди. Кейин улар мигренга чалинган иштирокчиларда юрак хуружи, ишемик инсульт ва геморрагик инсульт хавфини мигрень билан оғримаган одамлар билан солиштиришди.
Натижалар шуни кўрсатдики, мигренга чалинган эркакларда ҳам, аёлларда ҳам ишемик инсульт хавфи бир хил даражада ошган. Бироқ мигрень касаллиги билан оғриган аёллар, ушбу касаллиги мавжуд эркаклар ва умумий аҳолига қараганда, юрак хуружи ва геморрагик инсультга кўпроқ мойил экани маълум бўлди, деб хабар беради lenta.ru.
