Кўргазмада 50 000 дан ортиқ артефактлар, жумладан, фиръавн Тутанхамон қабридаги афсонавий хазиналарнинг тўлиқ тўплами намойиш этилмоқда. Кўплаб экспонатлар биринчи марта оммага намойиш этиляпти. Ушбу улкан, миллиард долларлик лойиҳанинг қурилиши 2005 йилда бошланган, аммо сиёсий келишмовчиликлар, минтақавий можаролар ва коронавирус пандемияси унинг якунланишини 20 йилдан кейинга қолдирди. Тантанали очилиш маросими катта тадбирга айланди. Президент Абдул Фаттоҳ ас-Сиси ушбу тадбирни “Миср тарихидаги янги боб” деб атади. Унинг сўзларига кўра, музей туризм саноатини ривожлантиришни рағбатлантиришга қаратилган. Унга ҳар йили тахминан 5 миллион киши ташриф буюриши кутилмоқда, деб хабар берди 24.kz.