2022 йил 22 январидан бошлаб Мисрга келган барча фуқаролар Жаҳон соғлиқни сақлаш ташкилоти ёки мамлакат Дори-дармон агентлиги томонидан тасдиқланган коронавирусга қарши вакцина билан эмланганлик тўғрисидаги сертификатларни тақдим этишлари шарт. 12 ёшгача бўлган болалар бундан мустасно.
Шу билан бирга, Sinopharm, Sinovac, AstraZeneca, Sputnik V, Moderna, Pfizer va Johnson & Johnson вакциналари Мисрнинг ўзида фавқулодда фойдаланиш учун рўйхатга олинган.
Эмланганлик тўғрисидаги сертификатда саёҳатчи келишидан камида 14 кун олдин бир марталик вакцинанинг бир дозасини ёки икки марталик вакцинанинг охирги дозасини олганлигини кўрсатиши керак.
Эмлаш сертификати бўлмаган тақдирда манфий коронавирус тести (ПЗР тести, тезкор антиген тести ёки ID Now testy) тақдим этилиши керак. Шу билан бирга, Жанубий Африка, Ботсвана, Мозамбик, Намибия, Лесото, Зимбабве ва Эсватинидан келганлар ПЗР тестини ёки тезкор антиген тестини тақдим этишлари керак.
Мабодо коронавирусга қарши эмланганлик тўғрисидаги сертификатлар ёки тестлар Миср стандартларига жавоб бермаса, келгандан кейин экспресс тест қайта талаб қилинади.
Агар коронавирус борлиги аниқланган тақдирда, келган шахслар меҳмонхонада ёки турар жойда беш кунлик карантинда олинадилар. Олтинчи куни эса ПЗР тести қайта топширилади ва касаллик белгилари чиқмаса, улар ўз-ўзини яккалаш ҳолатидан чиқадилар.
Шу муносабат билан Мисрга боришни режалаштираётган Ўзбекистон фуқароларидан янгиланган эпидемияга қарши стандартларга эътибор қаратишларини ҳамда мазкур давлатда амалдаги профилактика чораларига риоя этишларини сўраймиз.
