Москва раҳбарияти 9 октябрдан 28 октябргача мактаб ўқувчилари, пенсионерлар ва сурункали касалликка чалинганларнинг ижтимоий карталарини блоклаб қўяди. Бу ҳақда Москва шаҳар мери Сергей Собянин ўзининг блогида хабар берган.
«9 октябрдан бошлаб таътилнинг охиригача мактаб ўқувчиларининг жамоат транспортидан фойдаланиш учун берилган имтиёзлари тўхтатиб турилади. Ўқувчиларнинг ижтимоий картасидаги транспорт иловалари вақтинча блокланади. Шунингдек, 28 октябргача 65 ёшдан ошган москваликлар ва сурункали касалликка чалинганлар учун жамоат транспортидан бепул фойдаланиш имтиёзи тўхтатилади. Улар уйда қолишлари керак», - деб ёзади Собянин.
У бундай қарор қарияларни асраш учун қабул қилингани ҳақида эслатади, деб хабар беради ТАСС.
«Транспортдан бепул фойдаланиш имтиёзининг тўхтатилиши ҳақидаги қарор 9 октябрь, жума кунидан кучга киради. Бу ишлаётган одамларга кечиктирмасдан касаллик варақаси расмийлаштириш ёки масофадан ишлашга ўтиш имконини беради», — деб ёзган Собянин.
