«Эхо Москва» сайтининг хабар беришича, Россия Федерацияси пойтахти Москвада жорий этилган карантин қоидаларига кўра, эндиликда шаҳар истироҳат боғларининг, болалар майдончаларидаги ва очиқ спорт масканларининг ўриндиқларида бесабаб ўтирган кишилар 4 минг рублгача бўлган миқдорда жаримага тортилади.
Бу ҳақда Москва бош назорат бошқармаси бошлиғи Евгений Данчиков хабар берди. Россия пойтахтидаги чекловлар жорий йилнинг 20 июнига қадар давом этиши белгиланган. Сайтнинг маълумотига кўра, ҳозирда Москвадаги ресторан, савдо марказлари ўрнатилган тартиб асосида ишламоқда. Уларнинг фаолиятини чеклаш ёки маълум меъёрларга келтириш хусусида ҳозирча бирон гап айтилмаган.
Бугун Россия пойтахтида 7 мингдан ошиқ коронавирус касаллиги билан касалланганлар қайд этилган. Бу йил бошидан бери энг юқори кўрсаткичдир.
Тўлқин РЎЗИЕВ
