Интеллектуал мулк агентлиги директори ўринбосари Есемурат Канязовнинг айтишича, АОКА билан ҳамкорликда веб-сайтлар фаолияти муаллифлик ҳуқуқига риоя қилиш борасида мунтазам мониторинг қилинади.
Мониторинг натижаларига кўра, хулоса берилади ва шу хулоса асосида муаллифлик ҳуқуқига риоя этмай материаллар тарқатаётган сайтлар махсус реестрга киритилади ҳамда улар фаолияти чекланади.
Бу ҳақда Е.Канязов Миллий матбуот марказида Интеллектуал мулк агентлиги масъуллари иштирокида бўлиб ўтаётган матбуот анжуманида маълум қилди. Мазкур анжуманни Uzreport tv орқали кузатиш мумкин, деб ёзмоқда Журналистика.уз телеграм канали.
