Қалин туман туфайли юзага келган ёмон кўриниш (50 м) Наманган ва Фарғона халқаро аэропортларида самолётларни қабул қилиш ва чиқаришни тўхтатди.
Шундай қилиб, Uzbekistan Airways HY9821(Наманган — Иркутск), HY9822(Иркутск — Наманган), HY94 (Наманган — Тошкент) рейслари кўчирилди.
HY670(Новосибирск — Фарғона) рейси Тошкентдаги захира аэродромга жўнаб кетди. HY086 рейси (Фарғона — Тошкент) бекор қилинди.
Шунингдек, Фарғона аэропортида кўришнинг ёмонлиги туфайли УТаир УТ790 (Фарғона — Москва) авиакомпаниясининг парвозини кейинга қолдиришга сабаб бўлди. Йўловчилари бўлган самолёт маҳаллий вақт билан соат 21:30 да жўнаб кетади.
Парвозлар жадвалидаги ўзгаришлар ҳақида батафсил маълумот авиаташувчилардан олишингиз мумкин, дея хабар бермоқда Uzbekistan Airways.
