Даставвал хонадонлардаги муаммоларни ўрганиш, ўз вақтида ҳал этишда маҳалла раислари, ҳокимлар билан етарлича тезкор ва сифатли чора-тадбирларни кўриш, шу билан бирга, ахлоқ ва одоб, ёшлар таълим-тарбияси муҳокама қилинди.
Учрашувда сўзга чиққан вилоят ҳокими Шавкатжон Абдураззоқов Наманган тумани миришкор, бободеҳқон, меҳмондўст халқлиги, бу ердаги барча ёши улуғ кексалари маънавиятли, қолаверса, ернинг тилини биладиган инсонлар эканлигини таъкидлади. У ўз нутқида йиғилганларни Ўзбекистон Республикаси Мустақиллигининг 30 йиллигини муносиб тарзда кутиб олиш учун жойларда амалга оширилаётган улкан бунёдкорлик ишлари, аҳолининг ҳаётдан рози бўлиб яшашлари учун яратилаётган кенг имкониятлар ҳақида тўхталди.
Шундан сўнг Олий Мажлис Сенати аъзоси, «Нуроний» жамоатчилик кенгаши раиси, вилоят Маҳалла ва оилани қўллаб-қувватлаш бошқармаси бошлиғининг ўринбосари Икромхон Нажмиддинов нуронийларимиз ҳар соҳада ўрнак ва кўмакчи бўлишини, ўзларининг қимматли маслаҳатлари, ҳаётий тажрибалари билан ўсиб келаётган ёш авлодга йўл-йўриқлар беришлари кераклигини айтди.
Тадбир сўнгида вилоят раҳбари тумандаги бир гуруҳ фаол фахрийларни ташаккурнома ва эсдалик совғалари билан тақдирлади.
Ўз мухбиримиз.
