Американинг янги ой дастури “Артемида” шу парвоз билан бошланиши керак эди, аммо техник муаммолар бунга тўсқинлик қилди.
Деярли 100 метр баландликдаги ракета маҳаллий вақт билан 08:33 да учирилиши керак эди. Бироқ муҳандислар совутиш суюқлиги дигателлардан сизиб чиқишини тўхтата олмади ва уни меъёрий иш ҳароратига келтириш қийин кечди.
Муҳандислар, шунингдек, ракетанинг тепасида пайдо бўлган ёриқдан хавотирда эди, аммо кейин бу шунчаки тўпланиб қолган қиров, дея қарор қилишди.
“АҚШ космик агентлиги келаси ҳафта SLSни ишга тушириш учун бир қанча имкониятларга эга. Бу 2-сентябрда амалга оширилиши мумкин, аммо бу муҳандислар муаммоларни қанчалик тез ҳал қила олишига боғлиқ”, дейди NASA ходими Деррол Нейл.
SLS учиш пайтида деярли 60 та Concorde товушдан тез учадиган самолётларнинг қувват эквивалентини ишлаб чиқаради.
Ҳатто шундай қувватга эга двигателларнинг совутиш билан боғлиқ муаммолари катта фалокатга айланиши мумкин эди, шунинг учун ишга тушириш бўйича директор Чарли Блэквелл-Томпсон соат 08:47 да “Артемида” парвозини бекор қилди.
