Ишлаб чиқариш тўдиқ қувватга етгач,   мамлакатимиз қишлоқ хўжалигининг бу маҳсулотга  бўлган эҳтиёжи тўлиқ қопланади.Бундан ташқари, Марказий Осиё давлатлари, Афғонистон, Туркия, Украина ва Грузияга унинг  экспорт қилиниши режалаштирилган.

Президентимиз ташаббуси билан 2016 йилда бошланган мазкур лойиҳа қиймати 985,7 млн. долларга тенг бўлиб, уни молиялаштириш 577 млн. долл. миқдоридаги Япония банклари ва молиявий институтлари кредитлари, 320  млн. долл. Ўзбекистон Республикаси Тикланиш ва тараққиёт жамғармаси кредити ва 88,7 млн. долл. корхонанинг ўз маблағлари ҳисобидан амалга оширилди.

Аммиак ва карбамид ишлаб чиқариш мажмуасини қуриш жуда мураккааб жараён бўлиб, унинг ҳар бир  технологик босқичи ноёб инновацион ва замонавий технологиялар қўллашни тақозо этади. Экспертларнинг фикрича, “Навоиазот” АЖдаги мазкур ишлаб чиқариш   экологик ва энергетик самарадорлигига кўра,  дунёдаги энг сўнгги технологиялари ҳисобланади.

“Ўзкимёсаноат” АЖ ахборот хизматининг маълумотларига қараганда, мажмуа Япониянинг “Mitsubishi Heavy Industries Ltd” ва “Mitsubishi Corporation” компаниялари консорциуми билан ҳамкорликда амалга оширилди. Ишлаб чиқариш технологиялари дунёнинг энг етакчи компаниялари, ҳусусан, аммиак ишлаб чиқариш бўйича Даниянинг “Haldor Topsoe”, карбамид ишлаб чиқариш бўйича Италиянинг “Saipem” компанияси ҳамда карбамид грануляцияси бўйича эса Германиянинг “Uhde” компаниялари етказиб берди. Асосий технологик ускуналар Япония ва Европадан келтирилган..

Мажмуада 660 минг тонна аммиак ва 577,5 минг тонна карбамид ишлаб чиқарилади. Аммиакнинг 330 минг тоннаси янги карбамид ишлаб чиқаришга ва 330 минг тоннаси мавжуд аммиакли селитра ишлаб чиқаришга йўналтирилади. Лойиҳа тўлиқ қўвватга чиққанда 1 триллион 428 млрд. сўмлик товар маҳсулот ишлаб чиқарилади ва кимё тармоғини 9,5 фоизга ўсишга олиб келади. Йилига бюджетга 600 млрд. сўм миқдоридаги тушумларини таьминлайди ҳамда 58,0 млн. долларлик қўшимча маҳсулот экспорт қилинади.

Лойиҳани амалга ошириш натижасида 1964 йилда қурилган, маънавий жиҳатдан эскирган, энергияси сарфи юқори бўлган “Навоийазот” АЖ 1- ва 2- аммиак ишлаб чиқариш цехлари фойдаланишдан чиқарилади.

                                                                                                  Абдурауф Қоржовов