Тезкор-қидирув хизмати киберхавфсизлик бўлинмалари томонидан ўтказилган тезкор-қидирув тадбирлари натижасида ушбу жиноятни Тошкент вилояти, Қуйичирчиқ туманида яшовчи, муқаддам ўғрилик, талончилик жиноятлари учун судланган 36 ёшли (эркак) К.С. содир этгани аниқланди.
Маълум бўлишича, К.С., Ж.Б.га қўнғироқ қилиб, ўзини “Mobiuz” алоқа компанияси оператори сифатида таништирган ва унинг рақамига очилган пуллик хизматларни ўчириш учун “смс-хабарнома” орқали келган махфий кодни сўраб, билиб олган.
Натижада, К.С. Ж.Б.нинг банк карта бошқарув ҳуқуқини қўлга киритган ва Ж.Б. сезиб қолмаслиги учун маълум вақт давомида, яширин тарзда жами 2.055.000 сўм пулларни бўлиб-бўлиб бошқа картага ўтказиб олган. Шундан сўнг, К.С. жиноий йўл билан топган маблағларни янада кўпайтириш учун “1Хbet” ўйинига тикиб, ютқазиб қўйган.
Мазкур ҳолат юзасидан К.С.га нисбатан Ўзбекистон Республикаси ЖКнинг 169-моддаси 3-қисми “а” банди билан жиноят иши қўзғатилиб, тергов ҳаракатлари олиб борилмоқда.
Қонунга мувофиқ, К.С. томонидан содир этилган жиноий ҳаракатлар учун 5 йилдан 8 йилгача озодликдан маҳрум қилиш жазоси назарда тутилган.
