Сичқон ва ҳужайра культураси бўйича ўтказилган тажрибаларда мутахассислар ақлий ишлаш кўрсаткичи бўлган учта микроРНКни аниқлади. Ушбу маркерларнинг юқори даражалари аломатлар пайдо бўлишидан икки-беш йил олдин деменциянинг бошланишини башорат қилиши мумкин.
“Деменция белгилари пайдо бўлганда, мия аллақачон жиддий шикастланган бўлади. Бизга касаллик бошланишидан олдин унинг янада ривожланиш хавфини ишончли баҳолайдиган тестлар керак”, — деди тадқиқот иштирокчиларидан бири.
Аввалроқ ўрта ёшда уйқусизликка йўлиқиш кексаликда деменция хавфининг ошиши билан боғлиқ эканлиги аниқланганди.
Деменция — бу илгари олинган билим ва амалий кўникмаларни у ёки бу даражада йўқотиб, ақлий фаолиятнинг доимий пасайиши билан кечадиган касаллик. Кўпинча, бу ҳолат қариликда кузатилади.
Дунё бўйлаб ҳар йили ўн миллионга яқин деменция ҳолати қайд этилади.
