Бу ҳақда NDTV телеканали манбаларга таяниб хабар берди.
Аниқлик киритилишича, қутқарилган экипаж аъзоларининг саккиз нафари Ҳиндистон ва бир нафари Шри-Ланка фуқаросидир.
Ҳиндистон элчихонаси Ўмон расмийлари билан доимий алоқада эканлигини ва қидирув-қутқарув операцияси Ўмон денгиз хавфсизлиги маркази томонидан мувофиқлаштирилаётганини айтди. Ҳиндистон ҳарбий-денгиз кучлари ҳам ҳудудда қидирув-қутқарув ишларини олиб бормоқда.
15 июль куни Комор ороллари байроғи остида сузган нефть танкери Ўмон қирғоқлари яқинида ҳалокат сигналини узатгани аввалроқ хабар қилинган эди. Аден портига йўл олган кема бортида 16 кишидан иборат экипаж бўлган, деб хабар беради report.az.
