Бу ҳақда Оқ уй матбуот котиби Кэролайн Ливитт 7 январь куни навбатдаги матбуот брифингида маълум қилди.
Ливиттнинг сўзларига кўра, Вашингтоннинг Гренландия устидан тўлиқ назорати АҚШга “Хитой, Россия ва бизнинг рақибларимиз ушбу муҳим ва стратегик минтақада тажовузкорликни давом эттирмаслигини таъминлашга” имкон беради. “Бошқа кўплаб имтиёзлар мавжуд”, дея қўшимча қилди у.
АҚШ Президенти Дональд Трамп Гренландиянинг АҚШга қўшилиши зарурлигини бир неча бор таъкидлаган. Ўзининг биринчи муддатида у Гренландияни сотиб олишни таклиф қилганди ва 2025 йил март ойида у оролни аннекция қилиш мумкинлигига ишонч билдирди, агар у рад этса, Копенгагенга савдо тарифлари билан таҳдид қилди. Дания Бош вазири Метте Фредериксен бу даъволарни рад этиб, орол қиролликнинг бир қисми эканлигини таъкидламоқда.
Гренландия автоном ҳудуд ҳуқуқи асосида Дания таркибига киради. 1951 йилда Вашингтон ва Копенгаген НАТО иттифоқидаги мажбуриятларига қўшимча равишда Гренландия мудофаа шартномасини имзолаган. Унга кўра, АҚШ оролни мумкин бўлган тажовуздан ҳимоя қилиш мажбуриятини олган, деб хабар берди tass.ru.
