Bu haqda Oq uy matbuot kotibi Kerolayn Livitt 7-yanvar kuni navbatdagi matbuot brifingida ma'lum qildi.
Livittning so'zlariga ko'ra, Vashingtonning Grenlandiya ustidan to'liq nazorati AQShga “Xitoy, Rossiya va bizning raqiblarimiz ushbu muhim va strategik mintaqada tajovuzkorlikni davom ettirmasligini ta'minlashga” imkon beradi. “Boshqa ko'plab imtiyozlar mavjud”, deya qo'shimcha qildi u.
AQSh Prezidenti Donald Tramp Grenlandiyaning AQShga qo'shilishi zarurligini bir necha bor ta'kidlagan. O'zining birinchi muddatida u Grenlandiyani sotib olishni taklif qilgandi va 2025-yil mart oyida u orolni anneksiya qilish mumkinligiga ishonch bildirdi, agar u rad etsa, Kopengagenga savdo tariflari bilan tahdid qildi. Daniya Bosh vaziri Mette Frederiksen bu da'volarni rad etib, orol qirollikning bir qismi ekanligini ta'kidlamoqda.
Grenlandiya avtonom hudud huquqi asosida Daniya tarkibiga kiradi. 1951-yilda Vashington va Kopengagen NATO ittifoqidagi majburiyatlariga qo'shimcha ravishda Grenlandiya mudofaa shartnomasini imzolagan. Unga ko'ra, AQSh orolni mumkin bo'lgan tajovuzdan himoya qilish majburiyatini olgan, deb xabar berdi tass.ru.
