ХОҚ президенти Томас Бахнинг ижроқўм йиғилишида билдиришича, Африка қитъасида илк бор ўтказилиши кутилаётган ушбу олимпия ўйинларининг қолдирилишига Сенегал давлати президенти Макки Саллнинг илтимос билан мурожаат этганлиги сабаб бўлган.
Сенегал президентининг Халқаро олимпия қўмитасига юборган илтимосномасига кўра, жаҳонда коронавируснинг кенг ёйилиши Африка қитъасида, хусусан Сенегал иқтисодига жуда катта зиён етказган. Бу эса қитъа тарихида биринчи бор Дакарда ўтиши кутилган олимпия ўйинларининг молиявий манбаларини мураккаб вазиятда қолдирди.
Сенегал давлатининг бундай қарорга келиши ХОҚ раҳбарияти томонидан маъқулланаётган бўлсада, Колумбия, Ҳиндистон, Россия и Таиланд вакиллари ўйинларнинг 2026 йилга кўчирилиши билан боғлиқ жараёнларга эътироз билдиришиб, Дакар ўйинларига тайёргарликни бошлаб юборган, молиявий маблағларни йўналтирган миллий олимпия қўмиталари, халқаро спорт федерациялари «ўз вақтида огоҳлантирилиши лозим» эканликларини таъкидлашган.
Сенегалда ўтиши лозим бўлган ўсмирлар ўртасидаги IV ёзги Олимпия ўйинларининг 2026 йилга расман кўчирилиши билан боғлиқ қарор эртага ўтказиладиган Халқаро олимпия қўмитасининг сессиясида қабул қилинади, дея хабар бермоқда ХОҚ сайти.
Тўлқин РЎЗИЕВ.
