Дунёнинг энг яхши давлатлари рейтингига илк бор Ўзбекистон ҳам киритилди.
Рейтинг Американинг U.S. News & World Report журнали томонидан эълон қилинди ва юртимиз 78 мамлакат орасида 73-ўринни эгаллаган.
Рейтингни тузишда саёҳат, маданий таъсир, тадбиркорлик, бизнес очиш имконияти, ҳарбий қудрат, яшаш даражаси, ижтимоий мақсад ва бошқа мезонлар инобатга олинган.
Марказий Осиё давлатларидан Қозоғистон (72-ўрин) ҳам рейтингга киритилган. Қирғизистон ва Тожикистон эса умуман киритилмаган.
Канада, Япония, Германия, Швейцария ва Австралия энг яхши бешликка киритилган.
