Мазкур ҳужжат 2019 йил 25 март куни Ўзбекистон Республикаси Президенти Шавкат Мирзиеёвнинг Бирлашган Араб Амирликларига расмий ташрифи доирасида имзоланган эди.

Битим божхона қонунчилиги бузилишининг олдини олиш, тегишли вазиятларда суриштирув ишларини олиб бориш ва қоидабузарликларга қарши курашишда ўзаро ёрдам кўрсатиш тартибини белгилайди. Мазкур ҳужжат доирасида икки мамлакат божхона органлари Ўзбекистон ёки БАА ҳудудида амалдаги божхона қонунчилиги бузилиши ҳолатлари тўғрисида ёки шубҳали шахс, товар ёхуд транспорт воситаси ҳақида бир-бирларига маълумот тақдим этадилар.

Ҳужжат ўзаро ташқи савдо бўйича статистика маълумотларини “кўзгули статистика” тамойили бўйича ишончлилигини таъминлаш ва товарнинг божхона қийматини назорат қилиш, моддий-техник инфратузилмани мустаҳкамлаш ва кадрлар малакасини ошириш орқали божхона маъмуриятини модернизация қилишга ёрдам беради.