Бироз аввал куннинг учинчи медаллар жамланмаси ўз эгаларини топди. Эркаклар ўртасидаги сноуборднинг биг-эйр мусобақасида хитойлик Су Имин Олимпиада чемпиони бўлди. Бу Хитой терма жамоасининг Олимпиададаги олтинчи олтин медали эди. Чин юрти жамоаси 6 та олтин, 4 та кумуш, 2 та бронза медали билан 5-ўринни эгаллаб турибди.
Бу Су Мин учун ўз юртида ўтаётган Олимпиададаги иккинчи медаль бўлди. Аввалроқ 17 ёшли Имин слоупстайлда кумуш медални қўлга киритган эди.
Сноубордда норвегиялик Монс Ройсланд кумуш, канадалик Макс Парро бронза медалига сазовор бўлди.
Эслатиб ўтамиз, куни кеча хитойлик Сюй Мэнтао оқ Олимпиаданинг фристайл мусобақасида аёллар ўртасидаги чанғи акробатикаси баҳсларида ғолибликни қўлга киритиб, терма жамоасига бешинчи олтин медални тақдим этган эди.
