“Ушбу безак бу ерда яшаган одамларнинг ғайриоддий ижодкорлиги, шунингдек, меҳнат қуролларини бошқариш қобилиятидан дарак беради. Тақинчоқнинг қалинлиги атиги 3,7 мм. Ундаги ўйилган юзалар ва чизилган нақшлар ажойиб эпчилликдан далолат беради», деб ёзади мақола муаллифларидан бири, Вроцлав университети тадқиқотчиси Виолетта Новачевска.
Қайд этилишича, бу артефактлар Европадаги илк кроманьонлар томонидан яратилган. Неандерталлар ўша вақтга келиб йўқ бўлиб кетган.
Олимлар кўпроқ эътиборни занжирли тақинчоққа қаратишди. У қалинлиги 3,7 мм, узунлиги ва кенглиги бир неча сантиметр бўлган ингичка суяк пластинкасига ўхшайди. Тақинчоқ доиралар ва чизиқли нақшлар билан қопланган.
