Алгарвада дам олаётган Президент Прайя-ду-Алвор пляжида журналистлар билан суҳбатлашиб турган вақтида бир неча ўн метр нарида денгизда аёлларнинг чўкаётганини кўриб қолган.
71 ёшли Ребело де Соуза, ўтмишда яхши сузувчи, зудлик билан сувга сакраган ва аёлларга ёрдам бериш мақсадида улар томонга сузиб кетган. Аёллар қутқарув жилетида бўлишига қарамай, ўзларини йўқотиб қўйган. Серғайрат сиёсатчига ҳатто унинг тан соқчилари ҳам ета олмай қолган. Яна бир эркак киши воқеа содир бўлган жойга етиб келиб, каноэни тўғрилашга уринган, гидроциклда етиб келган яна бир киши унга ёрдам бера бошлаган.
Улар биргаликда каноэни гидроцикл ёрдамида шатакка олиб қирғоққа етказган. Аёлларга ёрдам берган Ребело де Соуза журналистларга жабрланганларни оқим бошқа пляждан оқизиб келганини, кейин эса каноэ ағдарилиб кетгани оқибатида улар сув ютиб қолганини, натижада қирғоққа мустақил етиб бора олмаганини тушунтириб берди деб хабар беради ВВС.
Ҳозирги вақтда де Соузе, таътильда бўла туриб, мамлакатнинг ҳар хил ҳудудларида дам оляпти. Бу эса сайёҳликнинг ривожланишига имкон туғдиради экан. Ўз пляжларида чекловни бекор қилган Португалия чет эллик сайёҳларнинг севимли жойи бўлиб қолган. Пандемиягача бўлган даврда у ерга Британияликларнинг ўзидан уч миллион киши дам олишга келган. Ҳар йили ёзда Алгарвага энг кўп келадиган сайёҳларни британияликлар ташкил этади экан. Португалия Президенти иштирокида қутқарилган аёлларнинг миллати маълум қилинмаган. Фото: twitter.com
