ХХРнинг қатор компаниялари вакилларидан иборат мазкур делегациянинг асосий мақсади мамлакатимизда энергетика, тоғ-кон саноати, савдо марказларини очиш, молиявий ва бошқа соҳаларга инвестициялар киритишга қаратилган.

Учрашувда Хитойнинг инвестиция ва бизнес делегацияси таркибида – Зҳежианг Шенке Холдинг Гроуп ва Зҳежианг Жинлун Мечаниcал анд Элеcтриcал Индустриал Cо., Лтд. компаниялари Президенти Хе Сзяндун, Ово Инвестмент Фунд Манагемент Cо., Лтд. компанияси Бош директори Сю Хан, Хинге Сеcуритиэс Инвестмент Cо., Лтд., Сичуан Wэитаи Cоммуниcатион Эқуипмент Cо., Лтд. ҳамда Шангҳаи Жингхинг Привате Эқуитй Фунд Манагемент Cо., Лтд. компанияларининг раҳбар ва масъул ходимлари иштирок этдилар.

Учрашувда «Ўзбекгидроэнерго» АЖ Бошқаруви раиси А. Сангинов хитойлик инвесторларга 2024 йил 12 июлда Ўзбекистон Республикаси Президенти томонидан қабул қилинган ПҚ-252-сон қарори билан мамлакатимизда гидроэнергетикани ривожлантириш бўйича 5 йиллик дастур тасдиқланганлиги, мазкур дастур доирасида 2028 йилга қадар умумий қуввати 3,3 ГВт бўлган ГEСлар ва ГТEСлар қурилиши режалаштирилганлиги, бу орқали жорий қувватлар 2,2 ГВт дан 5,5 ГВт га оширилиб, йиллик электр энергияси ишлаб чиқариш ҳажми 15,7 млрд. кВт.соатгача етказилиши, ушбу лойиҳаларга қарийб 6,5 млрд. доллар миқдорида инвестицияларни жалб этилиши режалаштирилганлиги бўйича маълумотлар бериб ўтди.

Учрашув давомида Бошқарув раиси А. Сангинов Дастур орқали тасдиқланган «Гидроэнергетика соҳасида хусусий инвесторлар иштирокида амалга ошириладиган инвестиция лойиҳалари» рўйхатига киритилган ГEС ва ГТEС инвестиция лойиҳаларини ҳамкорликда амалга оширишни таклиф этди. Жумладан, умумий қуввати 1,3 ГВт, қиймати 1,8 млрд. долларга баҳоланаётган Каратэрен ва Айдаркўл ГТEСлари, Қоронгитўғай, Ойгаин ГEСлар каскади, Киштут ва Мизот ГEСлари бўйича инвесторларга тақдимот ўтказилди.

Ўз навбатида, хитойлик инвесторлар кўп вақтдан буён Ўзбекистонга инвестиция киритишга қизиқишаётганлиги, жумладан гидроэнергетика соҳасида олиб борилаётган ислоҳотларни юқори баҳолаб, ушбу соҳага ҳам сармоя киритиш масалаларини ўрганиб чиқишаётганлиги, шунинг учун республика инвестиция бозорини ўрганиб, инвестицияларни ҳимояланганлиги ва бошқа омилларни чуқур таҳлил қилинаётганини айтиб ўтишди.

Зҳежианг Шенке Ҳолдинг Гроуп компанияси Президенти Хе Сзяндун ва Ово Инвестмент Фунд Манагемент Cо., Лтд. компанияси Бош директори Сю Хан куни кеча Ўзбекистон Республикаси Президентининг Нукус шаҳрида тадбиркорлар билан бўлиб ўтган навбатдаги очиқ мулоқотини диққат билан кузатишганлигини, Мулоқотда тадбиркорлик учун қўшимча шароитлар яратиш масаласида қатор янгиликлар айтилганлиги, тадбиркорлар кўтарган 700 дан ортиқ масала, ташаббус ва янги лойиҳалар қўллаб-қувватланганлиги, Президентнинг нутқи иқтисодиётни ривожлантириш ва тадбиркорликни қўллаб-қувватлашга стратегик ёндашувини таъкидлайдиган асосий мавзуларга аниқ тузилиш ва эътиборни намойиш этганлиги – биз каби инвесторларни руҳлантирди ва бу имкониятдан фойдаланиб, Ўзбекистонга инвестиция киритишга якуний қарор қилдик, деб таъкидлаб ўтишди.

Суҳбат якунида қуввати 500 МВт тенг бўлган Каратэрен ГТEС, умумий қуввати 45 МВтга тенг бўлган Киштут ва Мизот ГEСлари ҳамда микроГEС лойиҳаларини давлат-хусусий шериклиги асосида амалга оширишга келишиб олинди ва инвесторларга юқоридаги лойиҳалар бўйича бирламчи лойиҳа ҳужжатлари тақдим этилди. Жорий йилнинг октябрь ойида «Лойиҳаларни ҳамкорликда амалга ошириш» битимини (ЖДА) имзолашга келишиб олинди.

Авазбек Зокиров,

Хорижий инвестициялар бош бошқармаси бошлиғи


Реклама