12 июль куни соат 17:24 ларда Қарши тумани ФВБ диспетчерлик хизматига “Тахтапул” МФЙ ҳудудидан ўтган ички йўлда ҳаракатланиб кетаётган қизил рангли “КАМАЗ” русумли автомобил ёнаётгани тўғрисида хабар келиб тушди.
Хабарга кўра, воқеа жойига 2 та ёнғин қутқарув-бўлинмаси жалб қилиниб, ёнғинга соат тахминан 17:35да етиб борди ва соат 17:54 ларда тўлиқ ўчирилди. Ёнғин оқибатида юк машинаси қисман зарарланди, юкхонасига ортилган сомон боғлами (пресс) ёнди.
Аниқланишича, юк машинаси Косон тумани “Ширинобод” МФЙда яшовчи фуқаро С.Х бошқарувида бўлган, ёнғин оқибатида тан жароҳати олганлар йўқ.
Ҳозирда ёнғин сабаби ва зарари аниқланмоқда
