Республика Маънавият ва маърифат маркази ҳамда “Маърифат” тарғиботчилар жамияти томонидан ташкил этилган “Менинг фарзандим – Ўзбекистон фахри” лойиҳаси доирасида ҳар йили анъанавий тарзда спорт, санъат, илм-фанда юксак ютуқларни қўлга киритган ёшларнинг ота-оналари тақдирланиб келинмоқда.
Жорий йил ҳам вилоятдаги 10 нафар ота-оналар ана шундай юксак эътирофга сазовор бўлишди.
- Қизим ёшлигидан спортга қизиқарди, — дейди енгил атлетика бўйича кўп карра Ўзбекистон ва Осиё чемпиони Барнохон Сайфуллаеванинг онаси Нигора Тўхтаева. – Биз унинг қизиқишларини рағбатлантириб, спорт билан шуғулланиши учун шарт-шароит яратиб бердик, холос. Бугун эса қизимнинг ортидан мана шундай эътирофларга сазовор бўлиб юрибман. Барча оналарга мана шундай бахтни тилайман.
Тадбир якунида фарзандлар камолини кўриш қанчалик бахт эканлигини иштирокчилар эътироф этишиб, барча ота-оналарни қутлашди.
