Мазкур ҳолат юзасидан Фарғона вилояти ИИБ маълумот берди.
Унда айтилишича, 2025 йилнинг 31 декабрь куни соат 23:55да Қўқон шаҳар А.Чархий кўчасида «Янги йил» байрамини нишонлаш мақсадида йўлнинг қатнов қисмида шу ерда яшовчи фуқаролар чиқишиб, «мушакбозлик» уюштирмоқчи бўлишган.
Шундан сўнг, ўз вақтида кўрилган чора тадбирлар натижасида жамоат тартиби, ҳаракат хавфсизлиги таъминланган ва ҳуқуқбузарларнинг шахси аниқланиб, тегишли тартибда ҳужжатлар расмийлаштирилган.
«Тарқалган хабарлардаги каби автомашина ёқиб юборилгани ҳолати содир бўлмаган ва бу ҳақиқатга тўғри келмайди. Фуқаролардан асоссиз хабарлар ортидан ноўрин хулосага бормасликларини сўраймиз», — дейилади муносабатда.
