Бош прокуратура ҳузуридаги Департаментнинг Қўшработ туман бўлими томонидан ўтказилган терговга қадар текширувда, “Р.1” МЧЖ раҳбари О.В. тижорат банки филиалидан автомобилларга техник хизмат кўрсатиш фаолиятини ривожлантириш учун ажратилган 400 млн сўм имтиёзли кредит маблағини "B.a." хусусий корхонасига ўтказиш орқали бошқа мақсадларда сарфлаб, ўзлаштириш йўли билан талон-торож қилганлиги аниқланган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.
