Лойиҳа қиймати 45 млн. еврога тенг бўлиб, биринчи босқичда 2000 бош қорамол парваришланади. Айни пайтда гўшт ва сут йўналишидаги мазкур замонавий чорвачилик мажмуасининг лойиҳаси тасдиқланиб, уни бунёд этиш чора-тадбирлари режаси ишлаб чиқилган. Қурилиш ишлари келгуси йилнинг биринчи чорагида бошланади.
Кластерга Украина, Қозоғистон, Франция, Голландия каби давлатлардан маҳсулдорлиги юқори бўлган наслли қорамоллар келтирилади. Масалан, бўрдоқичилик учун Aberdeen- Angus зоти парваришланади.
Келгусида кластерда етиштирилган сут ва гўштни чуқур қайта ишлашни ҳам йўлга қўйиш, тайёр маҳсулотларни экспорт қилиш режалаштирилган.
Мажмуа 2021 йилнинг биринчи ярмида фойдаланишга топширилиши мўлжалланмоқда.
