Ҳужжат билан 2020-2022 йилларда республика ҳудудларида кўп қаватли турар-жойларнинг иссиқлик ҳимоясини ошириш, энергия тежайдиган технологиялар, шунингдек, қайта тикланувчи энергия манбаларининг қурилмаларини жорий этиш бўйича дастури тасдиқланмоқда.
Шунингдек, республикадаги қозонхоналарда сув иситиш учун энергия самарадор қуёш тизимларини ўрнатиш бўйича дастурини маъқуллаш ҳам кўзда тутилган.
Лойиҳада Ўзбекистон Республикаси Уй-жой коммунал хизмат кўрсатиш вазирлиги Энергетика вазирлиги билан биргаликда:
- ҳудудларда кўп қаватли турар-жойларнинг иссиқлик ҳимоясини ошириш, энергия тежайдиган технологиялар, шунингдек, қайта тикланувчи энергия манбаларининг қурилмаларини жорий этиш бўйича наъмунавий лойиҳаларни ишлаб чиқилишини;
- 2021-2022 йилларда қозонхоналарда сув иситиш учун энергия самарадор қуёш тизимларини ўрнатиш бўйича лойиҳа-смета хужжатларини ишлаб чиқилишини;
- объектлар бўйича наъмунавий лойиҳалар ва лойиҳа-смета ҳужжатларини белгиланган тартибда экспертизадан ўтказилишини таъминлаши ҳам назарда тутилган.
