Ўзбекистонлик футболчиларнинг Россия клубларига ўтиши каби Россия футболчиларининг Ўзбекистон клубларига ўтиши ҳам оддий воқеликка айланиб бормоқда.
Куни кеча Championat.com сайти Санкт-Петербургнинг “Зенит” клуби собиқ футболчиси Павел Могилевец фаолиятини Ўзбекистонда давом эттириши ҳақида хабар тарқатди. Павел “Бунёдкор” билан шартнома тузиш учун Тошкентга келган.
27 ёшли ярим ҳимоячи 2014/15 йилги мавсумда “Зенит” сафида Россия чемпиони, бир йил ўтиб “Ростов” таркибида кумуш медали соҳиби бўлган. Павел кейинги йилларда “Рубин”, “Химки” клублари сафида тўп суриб, 2021 йилни эса, “Нижний Новгород” сафида ўтказган.
