Россия Ташқи ишлар вазирлиги Панама канали қонуний жиҳатдан Панамага тегишли эканлигини таъкидлади ва “Қўшма Штатларни уни ҳар қандай йўл билан қайтариб олишга уринмаслиги кераклиги ҳақида огоҳлантирди”. Бу ҳақда 21 январь, сешанба куни Politico ёзди.
“Биз Панама раҳбарияти ва АҚШ Президенти Дональд Трамп ўртасида Панама канали устидан назорат бўйича мумкин бўлган музокаралар чоғида томонлар ушбу муҳим сув йўлининг амалдаги халқаро ҳуқуқий режимини ҳурмат қилишини кутамиз”, деди Россия Ташқи ишлар вазирлиги Лотин Америкаси департаменти директори Александр Шчетинин.
2024 йиль декабрь ойида Дональд Трамп агар мамлакат ортиқча тўловларни ундиришни тўхтатмаса, Панама каналини тортиб олиш билан таҳдид қилган эди, деб хабар беради korrespondent.net.
