Бу ҳақда "Дунё" ахборот агентлиги хабар бермоқда.
Маълум қилинишича, болаларнинг икки нафари Санкт-Петербург шаҳридан, қолган тўрт нафари эса Москва шаҳри ва вилояти, Татаристон ҳамда Кабардин-Балкар республикаларидан қайтарилган. Масъул вазирлик ва идоралар ходимлари томонидан болаларнинг шахсий маълумотларини аниқлаш, қайтиш учун зарур ҳужжатларни расмийлаштириш ва тиббий кўрикдан ўтказиш каби ташкилий масалалар тезкорлик билан ҳал этилди.
Элчихона ва ҳамкор ташкилотларнинг бу каби саъй-ҳаракатлари хориждаги Ўзбекистон фуқаролари, айниқса, вояга етмаганларнинг ҳуқуқ ва манфаатларини ҳимоя қилишда муҳим аҳамият касб этмоқда. Рақамларга кўра, биргина 2026 йилнинг январь ойи давомида жами 20 нафар вояга етмаган фуқаро Ватанга қайтарилган.
Ҳозирда ушбу йўналишдаги ишлар изчил давом эттирилмоқда.
