Маълум қилинишича, қўшни давлатдан кириб келган фуқаролардан бири божхона назорати вақтида шубҳа уйғотган. Йўловчи “Body scaner” қурилмаси орқали кўрикдан ўтказилганда, унинг ички аъзосида 3 дона ўрам борлиги маълум бўлган. Шифокорлар иштирокида очиб кўрилган ушбу ўрамларда жами 255 грамм “опий” гиёҳвандлик моддаси борлиги аниқланган.
Шунингдек, ушбу фуқарога ҳамроҳлик қилган турмуш ўртоғи ҳам тиббий кўрикдан ўтказилган. Унинг ички аъзоларидан 4 дона ўрам чиқариб олинган бўлиб, улар таркибида 541 грамм “опий” борлиги маълум бўлган.
Шу тариқа, жами 796 грамм “опий” гиёҳвандлик моддасини “жонли контейнер” усулида олиб киришга уринишнинг олди олинди.
Ҳолат юзасидан божхона органлари томонидан жиноят иши қўзғатилган.
