Айниқса, камбағалликни қисқартириш, аҳоли бандлигини таъминлаш мақсадида жойларда тадбиркорликка ўқиш истагини билдирган аҳолининг ишсиз қатламини маҳаллабай, хонадонбай ишлаш механизми асосида тадбиркорликка ўқитиш ўқув курсларини ташкил этилаётганлиги ишларнинг амалий натижаси бўлмоқда.
Бу борада Ўзбекистон Республикаси Президентининг 2020 йил 26 мартдаги «Иқтисодиётни ривожлантириш ва камбағалликни қисқартиришга оид давлат сиёсатининг тубдан янгилаш чора-тадбирлари тўғрисида»ги фармони ва 2020 йил 26 март ПҚ 4653-сонли қарори ҳамда Вазирлар Маҳкамасининг 2020 йил 30 июлдаги 460-сонли қарорларига асосан Бизнес ва тадбиркорлик олий мактаби Самарқанд вилоят филиали томонидан «Аҳолини (ёшлар ва хотин-қизлар) тадбиркорлик кўникмаларига ўқитиш», «Оилавий тадбиркорлик дастурлари орқали кредит олишни мўлжалланган аҳоли қатламлари учун» ва «Тадбиркорларни бизнесни бошқариш ва ривожлантириш кўникмаларига ўқитиш» мавзусида бепул ўқув курслар ташкил этилмоқда.
Жорий йил бошидан Бизнес ва тадбиркорлик олий мактаби Самарқанд вилоят филиали томонидан жами 13 та ўқув курслари ташкил этилиб ушбу курсларга 460 нафар асосан «Аёллар дафтари», «Ёшлар дафтари» ҳамда аҳолининг тадбиркорликка ўқиш истагини билдирган аҳолининг қизиқувчи қатлами жалб этилди.
Ўтказилган ўқув курслари мутлақо бепул равишда амалга оширилиб, унда касб-ҳунар мактабида эгаллаган касби бўйича ўз тадбиркорлик фаолиятини йўлга қўйиш арафасида юрган ёшларга бизнес режани ишлаб чиқиш, давлат реестридан ўтказиш, банкда ўз ҳисоб варақаларини очиш, субсидия, кредит олиш шартлари ва тартиби ҳамда тадбиркорларга яратилаётган имтиёзлар ва сертификат бўйича атрофлича маълумот берилмоқда.
Ўтказилган ўқув курслари мутлақо бепул равишда амалга оширилиб, унда касб-ҳунар мактабида эгаллаган касби бўйича ўз тадбиркорлик фаолиятини йўлга қўйиш арафасида юрган ёшларга бизнес режани ишлаб чиқиш, давлат реестридан ўтказиш, банкда ўз ҳисоб варақаларини очиш, субсидия, кредит олиш шартлари ва тартиби ҳамда тадбиркорларга яратилаётган имтиёзлар бўйича атрофлича маълумот берилди.
Қ.Маърупов,
Бизнес ва тадбиркорлик олий мактаби
Самарқанд вилоят филиали раҳбари
