Бош прокуратура ҳузуридаги Департаментнинг Сайхунобод туман бўлими томонидан ўтказилган терговга қадар текширувда, тумандаги маҳалла котиби У.Қ. АЖ “Асакабанк” Гулистон филиали масъул шахслари билан олдиндан ўзаро тил бириктириб, 4 нафар фуқаронинг хабардорлигисиз уларнинг номига “Ҳар бир оила-тадбиркор” дастури доирасида “балиқчилик” ташкил қилиш учун 120 млн сўм имтиёзли кредит ажратилишига эришиб, ушбу маблағларни ўзлаштириш йўли билан талон-торож қилганлиги аниқланган.
Мазкур ҳолат юзасидан У.Қ. ва бошқаларга нисбатан Жиноят кодексининг 167-моддаси (талон-торож қилиш) билан жиноят иши қўзғатилиб, тергов ҳаракатлари ўтказилмоқда.
