Дастлаб “Ақчакўл” Овул фуқаролар йиғини ҳудудидаги хотин-қизлар ва ёшларни касбга ўқитиш бўйича ташкил этилган ўқув маркази фаолияти билан танишилди. Шу ернинг ўзида “Темир дафтар”, “Аёллар дафтари” ва “Ёшлар дафтари”га киритилган хотин-қизлар билан суҳбатлашилди.
Сўнгра ўқув марказида “Ақчакўл” овул фуқаролар йиғини ҳудудида “маҳаллабай” ишлаш, “Аёллар дафтари”га киритилган хотин-қизларнинг бандлигини таъминлаш мақсадида ташкил этилаётган лойиҳалар кўздан кечирилди. Қолаверса, “Аёллар маслаҳат кенгаши” фаолияти билан ҳам танишилиб, Кенгаш аъзолари билан мулоқот қилинди.
Кейинги манзил – “Бўстон” маҳалла фуқаролар йиғини. Мазкур ҳудуддаги “Ёшлар меҳнат гузари”да ташкил этилган хизматлар соҳасида амалга оширилган ишлар кўздан кечирилди. Шу ерда фаолият олиб бораётган хотин-қизлар билан сухбатлашилди.
Ўзбекистон Республикаси
Олий Мажлиси Сенатининг
Ахборот хизмати
