Дубай рингида Осиё чемпионатининг 49 килограмм вазн тоифасидаги финал жангида ҳамюртимиз Нодиржон Мирзаҳмедов қозоғистонлик Даниял Сабитга қарши жанг олиб борди. 4 раунд давомида боксчимиз ишончли ҳаракат қилди ва эркаклар ўртасидаги қитъа чемпионатининг илк олтин медалини қўлга киритди.
Айтиш лозимки, Нодирбек қайсидир маънода Осиё чемпиони номини ҳам муносиб ҳимоя қилди, дейиш мукин. Боиси, боксчимиз 2019 йилги чемпионатда ҳам олтин медалга мушарраф бўлган эди.
Ҳозиргина Дубайдан етиб келган хабарга кўра, Токио олимпиадаси йўлланмаси соҳиби, жаҳон чемпиони -52 кг вазнли боксчимиз Шаҳобиддин Зоиров ҳам олтин медалга сазовор бўлди. Финал жангида Бухоро фарзанди бўлган боксчимиз ҳиндистонлик Амит билан кечган жангда 5:0 ҳисобида ғалаба қозонган. Чемпионат давом этмоқда.
