Мутахассисларнинг фикрича, Денман музлигида йилига 70,8 миллиард тонна муз эримоқда. Шарқий Антарктида Гренландияга қараганда камроқ хавф остида деб ҳисобланган, аммо мазкур тадқиқот бу қитъада музликларнинг эриш тезлиги ортганини кўрсатди.
CSIRO вакили Стивен Ринтулнинг сўзларига кўра, бу тенденция денгиз сатҳининг илгари башорат қилинганидан кўра кўпроқ кўтарилишига олиб келади.
Нашрнинг маълумот беришича, охирги 25 йил ичида Жаҳон океанининг сатҳи 7,5 сантиметрга кўтарилган. Таққослаш учун бутун XX аср давомида сув бор-йўғи 17 сантиметрга кўтарилган.
CSIRO ва Буюк Британиянинг Саутгемптон университети ҳисоботида айтилишича, океан оқимларининг йўналиши ўзгаргани сабабли Антарктиданинг шарқий қирғоқларида сув ҳарорати ўтган асрнинг биринчи ярмига нисбатан 2-3 даражага кўтарилган.
Сўнгги тадқиқотларга кўра, Антарктидада йилига 155 миллиард тонна музни эрияпти, бу эса дунёдаги қолган музликларнинг эриши билан бирга океанлар сатҳининг сезиларли кўтарилишига сабаб бўлади.
