Учрашувда, Хитой томонидан Шэньси университети президенти Ю Сюйцюнь, вице-президент Жэнь Сяовэй, шунингдек "Бир белбоғ, бир йўл" ташаббуси ва Марказий Осиё бўйича тадқиқотлар маркази директори Ли Ци иштирок этди.
Сўнгги йилларда, икки давлат раҳбарларининг сиёсий иродаси ва қўшма саъй-ҳаракатлари билан, Ўзбекистон - Хитой дўстлиги ва стратегик ҳамкорлик муносабатларининг юқори суръати қайд этилди.
Ўзбекистон Республикаси Президенти Ш.Мирзиёев ва Хитой Халқ Республикаси раиси Си Цзиньпин ўртасида бўлиб ўтган телефон орқали мулоқоти, икки давлат ўртасида барча соҳаларда кўп қиррали амалий ҳамкорликни янада чуқурлаштириш ва жадал ривожлантириш йўлида мустаҳкам замин яратади.
Томонлар таъкидлганидек, 11-12 май кунлари Сиань шаҳрида “Марказий Осиё+Хитой Халқ Республикаси” форматидаги Ташқи ишлар вазирлари учрашувининг ўтказилиши, минтақавий ўзаро ҳамкорликни янада мустаҳкамлашга ҳисса қўшади.
Ўз навбатида, Шэньси давлат педагогика университети президенти Ю Сюйцюнь, мамлакатимизнинг минтақада тутган ўрни ва Хитой–Ўзбекистон ўртасидаги кўп йиллик тарихий, иқтисодий, маданий-гуманитар соҳалардаги ўзаро алоқаларнинг юксак даражасини қайд этди.
Бундан ташқари, суҳбат чоғида Марказий Осиё халқаро институти ва Шэньси педагогика университети ўртасида ўзаро ҳамкорлик алоқаларини ўрнатиш истиқболлари муҳокама қилиниб, келгусидаги ҳамкорлик учун аниқ қадамлар белгилаб олинди.
Шунингдек , томонлар Марказий Осиё давлатлари вакиллари иштирокида, икки томонлама ва кўп томонлама қўшма тадбирларни ўтказиш имкониятларини кўриб чиқдилар.
Музокаралар якунларига кўра, Марказий Осиё халқаро институти директори Анвар Насиров ва Шэньси педагогика университети президенти Ю Сюйцюнь ўртасида онлайн шаклда ҳамкорлик келишуви имзоланди.
Ушбу университет, 1944 йил Сиань шаҳри, Шэньси провинциясида ташкил этилган. Университет Хитой таълим вазирлиги томонидан бошқарилади ҳамда менежмент ва ўқитувчиларни тайёрлайди. У Хитойнинг шимоли-ғарбий қисмидаги “таълим бешиги” сифатида юқори обрўга эга нуфузли таълим маскани саналади.
