Мамлакат тиббиёт бирлашмалари ассоциацияси раиси Филипп Девос инглиз матбуотига берган интервьюсида, шифохоналар ва соғлиқни сақлаш тизимининг тобора ўсиб бораётган касалланишлар қаршисида «чўкиб» кетмаслиги учун мамлакат бунга мажбур бўлаётганини билдирган. Девос, шунингдек, касалланган шифокорларнинг беморларга вирус юқтириши хавфи ортишини ҳам тан олган.
Мамлакатда, айниқса, Льеж шаҳрида коронавирус юқтирганлик эҳтимоли билан тест топширган ҳар 3 кишидан биттасининг жавоби ижобий чиқмоқда. Бельгия соғлиқни сақлаш вазири Франк Ванденбрюке аввалроқ мамлакатни юқумли касаллик – «цунами» келишидан огоҳлантирган эди.
