Агентлик маълумотларига кўра, ракета душанба куни соат 07.20 да микрогравитациядаги илмий тадқиқотлар учун учирилган, дейилади ria.ru сайтида.
“Ракета траектория бўйлаб тахмин қилинганидан бир оз узоқроқ ва ғарбга қараб учди ва парвозни тугатгандан сўнг Норвегиянинг 15 километр ичкарисига келиб қўнди”, — дейилади SSC баёнотида.
Таъкидланишича, ракета 250 километр баландликка кўтарилган, у ерда тажрибалар тортишиш кучидан холи ҳолатда ўтказилган. Ракета ва унинг фойдали юки режалаштирилган қўниш жойидан тахминан 40 километр шимоли-ғарбда жойлашган тоғ тизмасига келиб қўнди.
“Ҳозирда фойдали юкни чиқариб олиш бўйича ишлар олиб борилмоқда, кутилмаган парвозга олиб келган техник тафсилотларга аниқлик киритиш бўйича суриштирув бошланди”, — дея қўшимча қилди Швеция корпорацияси.
