Америкалик тадқиқотчилар 10 йил давомида 350 000 дан ортиқ ҳафтада 1-2 марта машқ қиладиган одамлар – "ҳафта сўнгги жангчилари" қанчалик яхши шуғулланишини кузатдилар.
Жаҳон Соғлиқни Сақлаш Ташкилоти (ЖССТ) ҳозирда катталарга ҳар ҳафта камида 150 дақиқа ўртача интенсивликдаги жисмоний фаоллик билан шуғулланишни тавсия этмоқда.
Сайрга чиқиш ёки велосипедда сайр қилиш билан ҳам кифояланса бўлади.
Шу билан бир қаторда, югуриш ёки сузиш каби кучли машғулотлар билан 75 дақиқача шуғулланишингиз мумкин.
Тадқиқот иштирокчиларининг кўпчилиги бу миқдорга бир ҳафта ичида эришган, аммо баъзилари уни фақат бир ёки икки сеансда бажарган.
"Биз дам олиш кунларида машқ қилувчилар ва мунтазам фаол иштирокчиларнинг ўртача умр кўриш даражаси ўхшашлигини аниқладик, бу эса бир хил миқдордаги жисмоний фаолиятни амалга оширишда, уни кўпроқ кунларга тақсимлаш ёки уни қисқа муддатда бажариш умр кўриш жараёнига таъсир қилмаслиги мумкинлигини кўрсатди," дейилади Бразилиянинг Сан-Паулу федерал университетининг жисмоний машқлар физиологияси тадқиқотчиси Маурисио дос Сантос бошчилигидаги тадқиқотда.
"Ушбу катта истиқболли гуруҳ тадқиқотининг натижалари шуни кўрсатадики, фаол жисмоний машғулотлар билан мунтазам ёки бир неча кун шуғулланадиган одамларнинг саломатлигидаги муаммолари умуман жисмоний нофаол одамларга қараганда анча камроқ бўлади, деб ёзади муаллифлар.
Оз бўлса ҳам машқ қилган яхши
АҚШ Миллий соғлиқни сақлаш интервью сўрови (НҲИС) тадқиқотчилари ўзларининг таҳлилларидаги баъзи чекловларни, жумладан, бирламчи сўров маълумотлари ҳар доим ҳам ишончли бўлмаган ихтиёрий тўлдирилган анкеталардан олинганини таъкидлайди, аммо охир-оқибат, уларнинг натижалари бизга маълум маълумотни тасдиқлайди: машқ сиз учун фойдали ва узоқроқ яшашингизга ёрдам беради.
"Ҳафтада бир ёки икки марта машқ қилиш юрак хасталиги ёки инсулт хавфини камайтириши мумкин", дейди Буюк Британия Миллий соғлиқни сақлаш хизмати (МССҲ).
МССҲ, шунингдек, одамларга ҳар куни жисмоний фаолият билан шуғулланишни, шу жумладан оғирроқ машқларни бажаришни ва узоқ вақт ўтиришдан қочишни тавсия қилади.
Оғир машқлари орасида ёга, пилатиз, оғир сумкалар кўтариб юриш, ер қазиш ёки боғдорчилик кабилар киради.
Тавсия этилган жисмоний фаоллик даражасига эришишга ёрдам берадиган жуда кучли машғулотлар енгилроқ усуллар билан амалга оширилиши мумкин, жумладан зинапояга югуриш, тепаликларга югуриш, йигирув машғулотлари ва оғир буюмларни кўтариш.
Агар оғир иш кунидан кейин диванда дам олганингиз учун ўзингизни айбдор ҳис қилсангиз ёки ҳафта давомида вақтингиз кам бўлса, эсда тутинг: ҳафта сўнгида дам олиш ва яхши дам олиш учун оз бўлса ҳам жисмоний машқ қилишга вақт ажратиш ва энергия сарфлаш ҳамиша фойдали.
Маликахон Ражабова тайёрлади
